عماد: يابنتى.. افهمى انا كدبت على ابويا قلت انى خلفت ولد، ثم تابع حديثه: انا عارف انك مصدومة.. مفيش وقت اوضح لكى ايه اللى حصل… لان سواق جدك جاى يخدك القصر دلوقتى.. عشان جدك يشوفك.
فلازم تنكرى فى شكل ولد.
غرام: انت بتهزر يابابا صح؟ عملت مقلب فظيع.
فريدة: بابك مش بيهزر ياغرام.
عماد: يلا ياغرام عشان السواق على وصول.
غرام فضلت تاكل فاكهة، عامِلة سلطة من الفواكه.. بتحبها اوى.. طبعا هى فاكرة ان بابها بيهزر.
عماد بنرفزة: يابنتى.. يلا!
غرام: بابا انا مش هقوم من مكانى الا لما افهم.
عماد نظر إلى ساعته.. قال يتكلم بسرعة قبل السواق ما ييجى:
عماد: انتى عارفة ان احنا من اسرة غنية عندها شركات وفلوس.
غرام: ايوه عارفة.
عماد: كنت ديما تقولى: اشمعنى انا الوحيد فى اخواتى اللى عايش فى شقة بالايجار ومعيش فلوس زيهم.. مش عايش ليه فى القصر مع جدك؟
غرام: انت قلت لى انك ديما فى خلاف مع جدى بس معرفش ايه السبب.
عماد: من عشرين سنة…
فلاش باك:
عادل: بتقول ايه.. عاوز ايه؟
عماد: بحب فريدة.
عادل بغضب: فريدة بنت البواب!.. انت مجنون وعاوز تتعالج.
عماد: مش مجنون.. انا بحبها.. مفيش قوة هتبعدنى عنها.
عادل: لو قلت ليك مش موافق!
عماد: هتجوزها.
عادل بغضب: اطلع برة.. ماشوفش وشك هنا تانى.. برة!
باك:
جدك طردنا كلنا…. طبعا اعمامى زودوا الحكاية اكتر، خلّوا جدك يكرهنى، انا اخوهم من الاب.. واعمامك الثلاثة اخوات من الاب والام.. بيحبوا بعض جدا.. كلهم بيكرهونى انا…
.. عاوزنى ابعد.. فى نظرهم انى ماليش حق انى اقعد فى القصر.. ماليش حق فى املاك جدك.
بعدت عنهم وكان بيجيلي ديما اخبارهم؛ عم محسن الطباخ هو عارف الحكاية من اولها… فاتت سنين وانتى جيتى نورتى حياتنا، المصاريف زادت علينا.
مكنش قدامى انى ارجع تانى لجدك.. اقوله انى خلفت يمكن قلبه يحن.
روحت يومها القصر عشان اقول لجدك.
فلاش باك:
محسن الطباخ: ازيك ياابنى.
عماد: تمام يعم محسن.
محسن الطباخ: ازى فريدة؟
عماد: كويسة.
محسن الطباخ: مالك؟
عماد: مصاريف كترت عليا ديون، جاى اقول لابيابى يمكن قلبه يحن عليا لما يسمع بظروفى.. وانا خلفت وبنتى محتاجة مصاريف وفلوس.
محسن الطباخ: انت خلفت بنت؟!
عماد: ايوه اسمها غرام.
محسن الطباخ: انت عارف ان عادل بيه ابوك بيكره البنات ويحب ان احفاده كلها اولاد.
عماد: انا عارف ان ده تفكيره بس انا عندى بنتى دى مليون ولد.
محسن الطباخ: بلاش تقوله.. مش هيفرح لما تقوله ان ليه حفيدة بنت.
فجأة حضر عادل.
عادل بغضب: انت اللى جابك هنا؟
مرتضى: مش بابا بيقولك امشى من هنا، انت غبى؟
عماد حاول يتحكم فى اعصابه…. وهو ينظر إلى اخوه مرتضى، مرتضى ينظر إلى عماد وملامح الفرحة فى عينه… كأن عماد ده شغال عنده ماليش حق يدخل هنا القصر.
عماد فى صمت: صدقنى هرجع هنا القصر.
مرتضى: انا صحيح سمعت انك خلفت.
عماد بغيظ: انا خلفت ولد…. ليه حق ييجى هنا.. ولا ولادكم انتم اللي ليهم حق يتمتعوا ويعيشوا هنا فى عز ابويا؟
عادل: انت بجد خلفت ولد؟
عماد: ايوه.
عادل: اسمه ايه؟
عماد: اسمه… اسمه اكرم.
عادل: جميل اوى… ابنك ييجى يقعد هنا من بككرة.
عماد: ده لسه عنده سنتين بس مرتبط بامّه اوى.
عادل: فلوس هبعتها مع السواق تصرف على حفيدى هو وبس.. انت فاهم؟
عماد بنظرة انتصار: تمام.
باك:
من ساعتها بتهرب كل مرة بحجة انك تعبان، انك مسافر.. لحد ما خلاص مفيش مفر عشان هو هيبعت سواق مش هيمشي من هنا الا لما ييجى يخدك.
يلا بقى ياغرام.. عشان خاطر ابوكى البسى اللبس ده…. هيشوفك ونرجع تانى.
غرام: بس ده مش حل، لازم جده يعرف ان ليه حفيدة بنت.. سيبنى انا هخليه يحبنى وهأقنعه.
عماد: لو روحتى على انك بنت انا وانتى هنطرد من القصر.. فلازم تدخلى على انك ولد.
غرام: بس يابابا…
قطع حديثها صوت طرق على باب.
فريدة شافت من العين السحرية الموجودة فى الباب.
فريدة: ده السواق.
عماد: يلا ياغرام.
بالفعل غرام لبست وتنكرت بشكل ولد ونزلت هى وبابها، ركبوا العربية وصلوا الى القصر.
نزلت غرام وهى ماشية ظلت تنظر فى كل مكان وهى منبهرة.
غرام فى صمت (وووواو).. هو ممكن انا اعيش هنا؟
عماد بصوت منخفض: جدك هنا اهو، تعالى سلمى عليه.
غرام: انا خايفة.
عماد: خلي قلبك جرىء.
عادل كان قاعد فى جنينة القصر.
عادل: اهلاً وسهلاً.
عادل: اسمك ايه ياولد؟
عماد: اسمه اكرم.
عادل: تعالى سلم على جدك.. انت هتفضل تبص لى كده كتير؟
غرام راحت سلمت على جدها.
عادل: عماد.
عماد: نعم.
عادل: ولد ماله كده.. مش جسمه قوى زي الرجالة ليه؟
عماد: اصل…
عادل: ولد يقعد معايا هنا فى القصر.
غرام: يانهار اسود.. ثم قربت من بابها: مش قلت هى زيارة لجدك ونرجع تانى؟
عادل: بيقوّلك ايه؟
عماد: جدي يؤمر.
غرام: انا بقوله انى انا هسلم على جدى وامشي.
عادل: طالع عنيد.. بتقول حقيقة مش بتخاف.. زي جدك.
عماد: كل صفاته فيك.
عادل: انت في كلية ايه؟
غرام مش واخدة بالها.
عماد بصوت منخفض: رد.
غرام: نعم؟
عادل: فى كلية ايه؟
غرام: خلصت هندسة.
عادل: كويس اوى.. عشان تمسك شركة مع ولاد عمك.
عماد كان فرحان.
غرام: شركة ايه؟
عادل: املاك جدك.. شركات واراضى.. غير المول والمستشفى الخاصة.
غرام: ماشاء الله.
عماد فى صمت: كل ده اتحرمت منه وولادهم هما اللى في العز ده.. بس خلاص لازم يابنتى تتمتعى بيه.. لازم اسيبك هنا.
