قصه لملك ابراهيم

بصيت ل ابني وهو عمال يعيط ويترجاني بعينيه اني معملش كده واسيبهم وانا مستحيل اسيب عيالي وابعدهم عن حضڼي انا لو سبتهم مع مرات ابوهم مش عارفه هتعمل فيهم ايه وتتعامل معاهم ازاي وانا مقدرش اعيش من غيرهم هما أغلى حاجة في حياتي وروحي متعلقه فيهم

كنت فاكره ان حزني وۏجعي هيخفوا شويه لما اجي لاهلي ويقولولي على الحل! بس اهلي صعبوها عليا اكتر بابا قرب مني وقعد جنبي وحط ايديه علي كتفي واتكلم بهدوء

وقالي اسمعيني يا بنتي انا لو عليا اشيلك في عيني لاخر يوم في عمري بس انا مش هعيشلك العمر كله انا عايز لما امـ،ـوت اكون مطمن عليكي وانتي في حماية راجل وانتي لو اطلـ،ـقتي دلوقتي مش هتلاقي راجل يتجوزك وانتي معاكي ٣ عيال

رديت عليه وانا ببكي وانا مش عايزة اتجوز انا عايزة اعيش لعيالي بس

اتكلم بابا مرة تانيه الناس مش هيسبوكي في حالك ان

عارف كويس نظرة اي راجل للست المطلـ،ـقة بتكون ازاي

اتكلم اخويا بعصبيه يا بابا اختي مراته وام عياله وهي اللي وقفت جنبه واستحملته لحد ما وصل للي هو وصله دلوقتي!! يعني لو هيطلـ،ـق يبقى الست التانيه مش اختي!

رديت علي اخويا وانا ببكي حتى لو طلـ،ـقها انا خلاص قلبي اتقفل من نحيته ومش هقدر اكون معاه زي الاول مش هقدر اكمل معاه

بابا واخويا اتبادلوا النظرات وكأنهم بيقولوا لبعض يبقى كده مفيش حل غير انه يطلـ،ـقها وتسيب له عياله يربيهم بمعرفته

ابني كان ماسك فيا وبيبكي وخاېف اسيبه هو واخواته اتكلم بابا وهو بيقوم من جنبي خلاص يبقى مفيش حل غير انه يطلـ،ـقك وترميله عياله وتاخدي كل حقوقك منه ونخلص من الموضوع ده

مسكت في ايد ابني وقولت باصرار انا مستحيل اسيب عيالي لحد يربيهم غيري

اتنرفز بابا وقال بعصبيه يعني انتي عايزة ايه دلوقتي انا لما جوزتك ليه خدك

من بيتي لوحدك لكن مترجعيش وانتي معاكي ٣ عيال واحنا نشيل مسؤوليتهم عياله هو يربيهم بمعرفته وانتي ترجعيلي بطولك زي ما خدك مني

هزيت راسي برفض وانا ماسكه في ايد ابني وبضمه لحـ،ـضني انا مش هسيب عيالي يا بابا مهما حصل

اتكلم بابا بعصبيه يبقى ترجعي بيتك وتعيشي فيه وترضي بلي هو عمله وتربي عيالك زي ما انتي عايزة

القرار كان صعب وانا بالضعف ده يعني انا دلوقتي لو قررت الطـ،ـلاق مش هلاقي مكان اعيش فيه مع عيالي اربيهم فيه وبابا مش عايزهم في بيته! وانا مش هستحمل ان حد يعاملهم وحش او يحسوا انهم اغراب في بيت حد! طب اعمل ايه انا مش هستحمل ارجع البيت تاني واكمل حياتي معاه بعد اللي هو عمله

اخويا قرب مني وقال نامي هنا النهارده انتي والعيال وفكري بهدوء كده وشوفي انتي عايزة ايه واحنا هنعملك اللي انتي عايزاه

بصيت ل اخويا وانا ببكي پقهرة وحزن اخد ايدي وطلعني علي شـ،ـقته فوق ونزل هو تاني عشان يتكلم مع بابا ويفكروا في حل

قعدت في شـ،ـقة اخويا ومرات اخويا خدت ابني الكبير عشان ياكل مع اخواته وولادها ودخلت هي قعدت معايا لوحدنا وبعد ما حكيت لها اللي حصل وكلام بابا اللي قاله تحت هي ردت عليا باقتراح وقالت انا من رأيي انك متطلـ،ـقيش منه لانك بتقولي انك عايزة تربي عيالك ومبتفكريش في الجواز تاني يبقى تقعدي في بيتك تربي عيالك وانتي علي ذمته وهو ملزوم يدفع مصاريف بيته وعياله وسبيه بقى يروح للي هو اتجوزها دي ولقى الراحة والسعادة معاها مش هي كانت عايزاه ساعة واحدة بس لا انتي بقى سيبهولها علي طول والساعة الواحدة دي يجي يشوف عياله ويدفع مصاريف البيت ويرجعلها هي تاني وعيشي انتي في شـ،ـقتك مرتاحة مع عيالك واهو هترتاحي من همه مسؤوليته وخليها هي تشيل بقى

فكرت في كلامها وانا بسمعها بتركيز هو انا اقدر اعمل كده فعلا بصيت لها وقولت يعني انا ممكن اعيش في شـ،ـقتي اربي عيالي وهو يجي ساعة واحدة في اليوم يشوفهم ويدفع مصاريف البيت ويمشي عادي كده!

ردت عليا بثقة هيكون في اتفاق الاول بينكم على كده هو دلوقتي راجل اتجوز وقال بشرع ربنا تمام بس انتي ست ومن حقك ترفضي تعيشي مع راجل متجوز واحدة تانيه وفي الحالة دي ربنا حلل الطـ،ـلاق وهو مش عايز يطلـ،ـق يبقى تعيشي في بيتك وانتي علي ذمته بس هو مش من حقه يطلب منك اي حقوق ويروح للي اتجوزها عليكي ولقى راحته معاها وياخد منها كل حقوقه

فكرت في كلامها وانا متلخبطه ومش عارفه هو ممكن يوافق علي كده ولا ايه اللي هيحصل كملت كلامها وقالت انتي لازم

تظهري قوية قدامه شويه وتمسحي دموعك دي الراجل بطبعه بېخاف من الست القوية وانتي لازم تبقي قويه على الاقل عشان خاطر عيالك

رديت وانا تايهه متلخبطه يعني اعمل ايه انا مبقتش عارفه افكر

ردت عليا بقوة اعملي زي ما بقولك كده بكره الصبح قولي ل بابا واخوكي انك موافقة تعيشي على ذمته لانك مش هتقدري تعيشي من غير عيالك وفهميهم انك هتبقى على ذمته بس لكن مش مراته والساعه اللي مراته التانيه طلبت انه يروحلها فيها لاء تخليه عندها على طول وهو يجي عندك ساعة واحدة بس يشوف عياله ويدفعلهم مصاريف البيت ويرجعلها تاني واهو يبقى قدام الناس اسمه جوزك وراجل داخل طالع عليكي انتي وعيالك وخليها هي تشيله

بقى بطلباته ومسؤوليته وانتي فوقي لنفسك ولعيالك واهتمي بنفسك وبصحتك واخرجي مع عيالك وعيشي حياتك انتي وعيالك ومتفكريش فيه خالص واعتبريه هم واتزاح عنك

بقيت اشوف كلامها قدامي وبدأت احس اني هكون احسن لو عملت كده خرجت وسبتني ارتاح شويه بس كلامها كان بيتردد وبشوفه قدامي ان فعلا هكون احسن لو عملت كده هعيش في بيتي مع ولادي واهتم بيهم وبدراستهم واهتم بنفسي وصحتي وهو يجي كل يوم ساعة يشوف عياله ويدفع المصاريف ويمشي انا حتى في الساعة دي هقعد في اوضتي واقفل عليا عشان هو ميشوفنيش او انا اشوفه عايزة اخرجه من دماغي واعتبره فعلا هم واتزاح عني وافوق لنفسي بقى يمكن اقتراحها ده مكنش الاحسن ليا ولو كملت عليه هبقى انا الخسرانه في الاخر حياتي ووقت ضيعته وانا على ذمته وهو ميستهلش اني اكون مراته بس اقتراحها ده هو الانسب ليا حاليا ومش لازم اخد قرار متهور في لحظة ڠضب ويجي على حساب ولادي انا محتاجة وقت كتير عشان اقدر اخد قرار الانفصال النهائي من غير ما اخسر ولادي او المشاكل اللي بيني وبين باباهم تأثر عليهم

فضلت صاحيه طول الليل لحد الصبح وانا بفكر كنت ببص لولادي وهما نايمين ومش بفكر غير فيهم هما ملهمش ذنب في كل ده

نزلت شـ،ـقة بابا عشان اقولهم قراري وتقريبا مكنش حد في البيت نام طول الليل قعدت معاهم وقولتلهم قراري اني موافقة افضل على ذمته وهعيش في شـ،ـقتي انا وولادي وهو يعيش مع الست اللي اتجوزها ويجي البيت عندي ساعة واحدة بس في اليوم يشوف ولاده ويدفع مصاريف البيت او لو عايز يدفع مصاريف البيت بالشهر تمام ويحدد ساعة يجي يشوف فيها ولاده برحته ويمشي وملوش علاقه بيا ولا له عندي اي حقوق كل اللي بينا الولاد وبس

يتبع

الجزء الرابع و الاخير