قصه لملك ابراهيم
القرار في اللحظة دي كان صعب وقفت ابصله وانا مقهوره من جوايا وقولتله نفسي اعرف انا قصرت معاك في ايه عشان تحطني في الموقف ده
وقف يبصلي پصد.مة ومقدرش ينطق انا بصراحة مش عارفه انا ليه سألته السؤال ده وايه الاجابة اللي كنت متوقعاها منه! سكت كتير ومش بينطق وانا عماله ابصله ومنتظره رده عليا وانا ببصله لاحظت ان شكله اتغير في عيني فجأة مبقتش شيفاها بنفس النظرة اللي كنت بشوفوه بيها قبل ما اعرف انه اتجوز عليا
وقفت المدام اللي اتجوزها عليا وقربت منه وهي بتتكلم بصوت يبان انه حزين انا عملت اللي عليا عشان خاطرك وجيت لحد بيتها واترجتها ترجع عن فكرة الطـ،ـلاق وهي مصممه لو عايز تنفذ رغـ،ـبتها وتطلـ،ـقني طلـ،ـقني!
بصلها اوي وقالها انا مش هطلـ،ـقك
وبعدها بصلي وقالي انا اتجوزت علي سنة الله ورسوله وانا الحمد لله راجل مقتدر واقدر افتح بدل البيت عشرة عجبك تعيشي في البيت هنا وتربي عيالك اهلا وسهلا مش عجبك يبقى لينا كلام تاني
انا ليه مستغربتش كلامه وقتها رغم قسوته يمكن كنت حاسه ان ده المتوقع منه بعد اللي عمله وفضلت اسأل نفسي وانا ببصلهم وهي واقفه جنبه حتى لو هو طلـ،ـقها هل انا هقدر اعيش معاه واكمل حياتي معاه عادي هقدر انام جنبه الموضوع صعب عليا وحاسه اني مش هقدر اكمل معاه بعد كده طب اعمل ايه واروح فين ااه اروح لأهل هما اهلي اللي هيساعدوني ويقفوا جنبي
هزيت راسي وانا بحاول امنع دموع عيني انها تنزل قدامهم اكتر من كده كنت حاسه بالإهانة وهو وامه واخته ومراته التانيه شايفين دموعي اللي مبتقفش شايفين ضعفي وقهرتي ومش فارق معاهم رفعت راسي وقولتله انا مش هقدر اعيش معاك بعد كده
وقفت مامته
واخته وقربوا منه هو ومراته والاربعه بقوا واقفين قدامي اتكلمت اخته وهي بتبصلي ببرود يعني بعد كلامنا ده كله معاكي وتقولي مش هقدر اعيش معاك!!
اتكلمت مامته هي كمان والله هي حره بقى الست العاقله هي اللي تحافظ على بيتها عشان خاطر عيالها
طبعا جه دور الملاك البريئه اللي اتجوزها هي كمان وقالت انا كده عملت اللي عليا وجيت لحد بيتها واترجتها عشان تحافظ علي بيتها وجوزها وهي اللي مش عايزة!
بصيت لها اوي وانا مستغربه
بجحتها لقيته اتكلم معاها وهو بيطبطب عليها انتي كده
عملتي اللي عليكي وزيادة وهي حرة بقى تعمل اللي هي عايزاه
لمسته ليها قدام عيني كهربت جسمي كله وخلتني اتأكد اني مش هقدر اكمل معاه خلاص والموضوع بتاعنا ده لازم ينتهي بالطـ،ـلاق
اخته ومامته استعدوا عشان يمشو بعد ما عملوا اللي عليهم من وجهة نظرهم وهو كمان استعد انه ياخد المدام التانيه بتاعته ويمشي معاها وقبل ما يمشي رفع ايديه وحذرني قدامهم انا عايز اقولك علي حاجة بس قدامهم اهو قبل ما امشي لو في دماغك طـ،ـلاق انا مش هطلـ،ـق ولو عايزه ترفعي قضية طـ،ـلاق ارفعي انتي حره بس لو عملتي كده مش هتطولي مني اي حاجة لا لكي ولا لعيالك وابقي اسألي النفقة بتكون كام قبل ما تتهوري وحد يضحك عليكي ويقولولك انك تقدري تعيشي بالنفقه
وقفت مصډومة من كلامه انا حقيقي فكرت في الطـ،ـلاق بس مفكرتش اني اروح محكمه وارفع قضية واخد نفقه وكل الكلام اللي هو قاله ده! هو اللي فتح عيني على موضوع المحكمة والنفقه!! انا ازاي مكنتش واخده بالي من كل ده!
خرجوا من الشـ،ـقه وانا وقفت افكر في كلامه يعني موضوع الطـ،ـلاق مطلعش سهل زي ما كنت متخيله مش مجرد كلمه هتنهي علاقتي انا وهو وبس دا هيبقى في محكمة ومحامين ونفقه وموضوع كبير اوي
انا مش قده
ولادي ال كانوا في اوضتهم قاعدين مع بعض وسامعين كل الكلام اللي اتقال بينا برا ابني الكبير عنده 10 سنين وبنتي عندها 8 وابني الصغير عنده 4 سنين
ابني الكبير خرج من اوضتهم بعد ما باباه خرج هو واللي معاه قرب مني وانا قاعده اعيط ومش عارفه اعمل ايه قعد جنبي وهو كمان عمال يعيط عشاني وطبطب عليا وهو بيبصلي ومش عارف يقولي ايه دموع ابني وجـ،ـعت قلبي اكتر ولقيت نفسي برمي نفسي في حـ،ـضنه الصغير وعماله اعيط جامد وپقهرة صوت عياطي ارتفع مع ۏجع قلبي وضعفي في الموقف ده بنتي واخوها الصغير خرجوا من اوضتهم هما كمان ووقفوا يبصوا عليا وانا ببكي في حضڼ اخوهم وبدؤ يبكو هما كمان پخوف قربوا مني وبنتي فضلت تمسد بإيديها علي شعري وهي پتبكي پخوف وابني الصغير عمال يشد فيا ويقولي يا ماما انا خاېف متعيطيش كده قلبي كان فيه ۏجع جامد اوي وحاسه اني ھموـ،ـت من كتر الۏجع اللي حاسه بيه
خدت عيالي ال في حضڼي وانا ببكي عيالي ملهمش ذنب في كل اللي بيحصل ده مكنش قدامي حل غير اني اروح عند اهلي واعرفهم اللي حصل وهما يقولولي اعمل ايه
قومت غيرت لبسي وعيالي كمان وخدتهم وروحت بيت اهلي دخلت وقعدت وانا بحاول اظهر قدامهم طبيعيه عشان مش عايزة ابكي تاني قدام حد قولت لعيالي يروحوا يلعبوا مع ولاد اخويا عشان ميسمعوش الكلام اللي انا هقوله بنتي وابني الصغير راحوا يلعبوا لكن ابني الكبير فضل ماسك فيا ويقولي انا مش هسيبك يا ماما
لما قالي الجمله دي انا لقيت نفسي ببكي جامد ومقدرتش احافظ علي قوتي قدام اهلي
بابا وماما واخويا قلقوا لما شافوني بالمنظر ده واخويا قام بسرعه من مكانه وخدني في حـ،ـضنه وسألني ايه اللي حصل حكيتلهم كل اللي حصل من اول ما عرفت ان جوزي اتجوز عليا لحد ما جالي البيت هو ومراته ومامته واخته وحاولوا يقنعوني ان ده حقه وشرع ربنا قولتلهم كمان علي كلامه ليا ورفضه للطـ،ـلاق بسهوله
اخويا اتنرفز وفضل يزعق وقال انه هيروح يتخانق معاه وبابا كمان اتعصب وقال انه هيطـ،ـلقني منه
ڠصب عنه وهاخد كل حقوقي كاملة
ماما كانت ساكته ومقالتش اي حاجة كانت بس پتبكي وعماله تبصلي بحسره علي اللي حصلي
كلمه بابا قالها وهو متنرفز خلتني ابصله پصدمة هيطلـ،ـقك ڠصب عنه وهتاخدي كل حقوقك وترميله عياله يربيهم بمعرفته مع اللي اتجوزها
ابني بصلي پصدمة وهو بيبكي وبيسمع الكلام من جده پخوف وانا بصيت ل بابا وقولتله انا مستحيل اسيب عيالي عيالي دول انا اللي تعبت فيهم مش هو! عيالي مش هيتربوا غير في حضڼي انا
رد عليا بابا بنرفزة ولما تطلـ،ـقي منه وانتي معاكي عيالك دول مين هيرضى يتجوزك ب ٣ عيال
رديت پصدمة جواز ايه! انا لو اطلـ،ـقت منه مستحيل اتجوز تاني!
اتكلم مرة تانيه بعصبيه مستحيل تتجوزي تاني ليه هو انتي فاكره انك لو اطلـ،ـقتي منه هتفضلي قاعده كده!
رديت بستغراب اه هفضل قاعده اربي عيالي
اتكلم اخويا وهو بيقرب مني بهدوء مفيش حاجة اسمها تقعدي مطلـ،ـقة ومن غير راجل تربي عيالك وانتي لسه في عز شبابك كده الناس مش هيسبوكي في حالك
رديت بقوة والناس مالهم ومالي!
اتكلمت امي الناس مبيسبوش حد في حاله يا بنتي وخصوصا الست اللي من غير راجل
بصيت ل ابني وهو عمال يعيط ويترجاني بعينيه اني معملش كده واسيبهم وانا مستحيل اسيب عيالي وابعدهم عن حضڼي انا لو سبتهم مع مرات ابوهم مش عارفه هتعمل فيهم ايه وتتعامل معاهم ازاي وانا مقدرش اعيش من غيرهم هما أغلى حاجة في حياتي وروحي متعلقه فيهم
يتبع
الجزء الثالث
